بوقلات رمضانية 2014

[ندعوك للتسجيل في المنتدى أو التعريف بنفسك لمعاينة هذه الصورة]

بوقلات رمضانية 2014,بوقالات رمضان 2013,جديد البوقلات الجزائرية بالصور2013


البوقالات من اشهر العبارات الجزائرية الرمضانية نقدرنبعثوهم و نقوولو عليهم مسجات موبيل
خليكم مع البوقلات

واعقد النية قبل مالتدخل



بوقالة اليوم

إعقد و انوي و اختار وحدة بين زوج



1 - راني كالكوشة المبنية دخاني مابان وناري مقدية

2- السمرة يا سمرة يلي عايروني بيك نسمح في بلادي ونجي ليك

3- ثومة ياثومة أنا سميتك كلثومة وريلي في منامي يلي يحبني يولوكان في الحومة

4- إذ أنت بحر أنا حوت فيك وإذا أنت جنان أنا وردة فيك وإذ انت تبغيني أنا نموت عليك

5- ياواقفة بين عرفين شدي روحك لصيحي وبركاكي من عشق لثنين شد ي واحد
وروحي

6 خرجت بدر البدور يزعبل وطالق هدوك الشعور زادو في حالي نطلب من ربي العزيز ي يكتبها
في داري

7- جاز على باب دارنا يفصل في العكري قتلو ياشباب فصل على قدي قالي حتى تجي لعندي
نهديلك صور ذهب ونزيدلك قلبي


8- قاعدة أنا و وليد المير على حاشية البير ولي حب يغير يغير

9- يلي زايدة في عذ ابي في ليل نومك وفي النهار نترجاك أعطيني كلمة من فمك يرحم
يلي رباك
10- حرقست بحرقوس الذهب حتى الوذنيا باركولي يا جيراني سعدي ولا ليا .



باسم الله بديت ..و على النبي صليت ...وعلى أصحاب الأسماء ألي تبدأ بالباء هذى البوقالة نويت...

هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.



باسم الله بديت ..و على النبي صليت ...وعلى أصحاب الأسماء ألي تبدأ بالثاء هذى البوقالة نويت...

طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .



باسم الله بديت ..و على النبي صليت ...وعلى أصحاب الأسماء ألي تبدأ بالخاء هذى البوقالة نويت..

يما يما ديريلي تويقة في وسط الحديقة باش نشوف زهرى كي تجيبو ذيك الوريقة.



باسم الله بديت ..و على النبي صليت ...وعلى أصحاب الأسماء ألي تبدأ بالدّال هذى البوقالة نويت..

ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .



باسم الله بديت ..و على النبي صليت ...وعلى أصحاب الأسماء ألي تبدأ بالراء هذى البوقالة نويت...

عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.
.