بوقالات رمضانية جزائرية
1 ربي يسترك ويحفظك والصبر يقولو الصبر ثمرة تاعو حلوة راح تلقى واش عمرك تهوى
وتصفالك ليام وتشرب مع لحباب قهوة صافية وإن شاء الله كل ما تهوى
2 قولوا قولوا قولكم راهو وصلني و الله ما فينا مسالة دونيا.على زهو الدنيا كرهوني لحباب
سعدي مسقم و طيري راهو ينصاب
3 يا كنز الكنوز، كل الناس تمناتك..كلامك من اللوز، كل الناس داقاتك.يا رايح تفوت، جوز تلقى اللي تمناتك..
4 طلعت للسطح، تقربعو عليا اللواح..الناس فرحانة على اللي جاي، وأنا نبكي على اللي راح..
5 جات سفينة، جات باش نلاقيها، بالمسك والعنبر نطوي سواريها، ونطلب ربي باش للحج يديها..
6 سبحان من صورك وخلقك فتنة، ما ولدوك في البهجة ولا في مراكش ولا في فاس
فاتح خدك وسبعة جناس ورد وياسمين، قرنفل وكياس..ديتي جميع السر
واش خليتي للناس..
7 استنيتو حتى طاب قلبي، وباش بان هلالو في ذيك الليلة دعيت ربي، وقلت يا حنين يا غفار
بلغني سيد الشهورعند حبيبي، محمد عليه الصلاة والسلام يشفع في ويخفف فيوم الملاقاة حسابي