قبل مانبدأ في الموضوع الموضوع هذا نكتب بالدارجة كيما نقول حنا على غير العادة .
الحرمة قبل منهدر عليها لازم واحد يعرف واش معنتها مليح
الحرمة : ما لا يَحِلُّ انتهاكُه من ذِمّة أَو حقٍّ أَو صَحبة أَو نحو ذلك
واش حب يقول هي الحاجة لملازامش ندناو ليها ولا نوصلوليها حاجة عندها حد
دوكا انشاء الله فهمتو واش معنتها الحرمة
نبداو الموضوع مباشرة بلا منطولو الحرمة في هدا الزمان والله مبقاتش حرمة الى من رحيم ربي أوكانncompareiw
بزمان لعشوه والدينا وجدودنا أو دوكا والله فرق كبير مهم أنا معشتش هادك الزمان بصح كي يحكيلي الشيخ باب والعجوز ياما نحس بلي صاح كاين فرق بين داك الزمان وهدا الزمان ولا راني غالط
العجوز ياما كي تحكيلي تقولي وقتكم وقتنا ماشي كيفك بالك نتا كيفي سمعتها من قبل صح ولا لالا مهم متسمعهاش من عند يماك و لا بابك تسمعها عند ناس بكري
وأصل الحرمة كيما تقول لعجوز ياما الحشمة ولقدر
أو في زمان ليرانا فيه والله يالحشمة والقدر ولا راني غالط و الحشمة والقدر هدوما دخلين في كل شيئ في حيتنا مع الناس في لباسنا في هدرتنا علبيها حنا رنا دوكا هكدا واحد مايقدر واحد واحد مايستحي من واحد
ناس بكري مكانوش هكدا ناس بكري كانو ناس حرمة ماتسمع منهم غير لكلام الزين يصبحو ا على كلمة صباح الخير ومعا لعشية مسالخير أو دوكا سلام ميقولهاش ولا راني غالط ماعلباليش كيفاش كي يقولك سلام مانعرف كيفاش بالك راح ينقص عام من حياتو ولا واش قالو يخي كلام صواب
والمشكل مشي غير هنا هادي راهي ولات ألمواد أو معليش مراحش تزيد فالعمر ولتناقص ربي يسهل على كل واحد المشكل فتخسار لكلام وطيحة القدر كيما ران نشوفو فحومات صحاب الرجلة زعما تاع الكشيات و السيوفا في جميع الأحياء الشعبية جابونا رجلة جديدة لطيح أو يزطل ويواشم هداك هو راجل عندهم ربي يسترنا منهم وعفينا يحبو يغلقوا ريسانهم وحنا رنا في 2013 قريب 2014 ولا راني غالط
تكون مريح معا فميلتك لعجوز يماك الشيخ بابك خوك صغيرقعدة الله الله حتى تسمع كلام يفرق لجماعة مكانش مينبا قدر ميقول الناس راهي معا لفامي قعدة ولا, مناش نقولولك كون أخينا صاح كان بكري ناس تع ريسانهم كيما يحكيلي الشيخ بابا بصح ماشي هكدا كان يحشم ميتكيفش فالحومة يروح بلاصا خلية باش يتكيف ولا يدرح أو كي يشوف واحد كبير عليه و الله يحشم وحط عينو ويقادرو أو دوكا بلا منكو يدرح قدام دارهم نورمال صديقي
[ندعوك للتسجيل في المنتدى أو التعريف بنفسك لمعاينة هذه الصورة]أو فلبسة
يحسراه على المسطور كي راجل كي لمراة منحكيلكش راك شايف بنات اليوم و رجال اليوم
لبنات ب hd أو الرجال بل lcd ربي يسطرنا مهم هاديك لدير حجاب أنا والله لمديرش حجابة في هدا الوقت خاصة في بلدنا خير ملي ديرو مانيش نخلاف حكم الله لالا حاشمة رني ضد النفاق أنا بلاك نتا راك معيا ولا لالا
ماشي صح كي تغطي شعرك بخيمار أو مصدر أوحبط فارجال تشعلي نار ولا راني غالط
ناس بكري كانت تلبس الحايك مسطورة مشاء الله أو كيما تقول لعجوز ياما حايك مرامة وسروال الشقة أو دوكا حنا واش نقولو الميني والجين سيري
[ندعوك للتسجيل في المنتدى أو التعريف بنفسك لمعاينة هذه الصورة]أو بكري طفلة كانت بانت العز و دلال أو دوكا واش ولات بانت audi ou golf gta
[ندعوك للتسجيل في المنتدى أو التعريف بنفسك لمعاينة هذه الصورة]أه ولا راني غالط لالا حاشة ماشي كامل كاين بنات الفميلية أو كاين بنات طيحين بنات فاميلية باش واحد ميبيكيش على نيفو لبنات لطيحين بنات فاميلية هدا نوع خطير صديقي تقتلك غير بلمظاهر أنا عندي واحدة تخرج عيناني أنا هكدا ولا كيما نتيا مناش نقوللك كوني اختينا بصح أحتارمي واش رايك لابسة كوني قد عقليتك
ونتا يارجل المستقبل هدي هي رجلة بالموس والشيرة ولا بالفاشن و لمنقاشة ولا بالسروال طايح أو فزنقة تتبلة ولا بامعشرات لبنات أو سرقة ولا كي تخدع أولية وطيحلها شرفها وهي كانت معاك ماشية بنية راك غالط والله الرجلة ناس بكري يقولك لدخل لخبزة لدار حليلية أو لطايع والديه صباح وعشية
[ندعوك للتسجيل في المنتدى أو التعريف بنفسك لمعاينة هذه الصورة]موضوع انشاء الله يكون عجبكم