بــــــــــسم الله بديت و علـــى النبـــي صليــــــت و ليكم هـــآآدي البـــوقالة نـــويت
.نحبك ونموت عليك .. نعزك ونغير عليك .. ناوي غير أنتي اللي نديك .. جاو العديان أو حبو يبعدوني عليك .. وهذا هو المكتوب أو حالة اللي يبغيك ..
او غير انت الي انحارب اعليك .. والبيتي انشاءالله نديك
يسم الله بديت وعلى النبي صليت و بوقالة الوردة multicouleur تقول :
خيرت هاد الوردة على حساب صفاتك لي كل صفة بلون و لوكان تسمح فيا نوكل عليك ربي على خاطر ربي بعتك ليا و من غيرك واحد ماراح يدخل داري و يربي معايا ولادي
الفال: يا درا كيفاش ديتيه هذا لي عندو بزاف صفات بصحتك
__________________________
بسم الله بديت وعلى النبي صليت و بوقالة الوردة الصفراء تقول :
خيرت الوردة الصفراء باش نقولك انا غيورة نغير و نغيرعليك و علابالك بلي الغيرة تقتل
الفال: الله لا يلحقك للموت غيري بلعقل
________________________
بسم الله بديت وعلى النبي صليت و بوقالة الوردة الحمراء تقول :
خيرت الوردة الحمراء في خاطر الحب لي يجمعنا على جال الزمان لي كان بيناتنا نغير عليك و مانخلي حتى وحدة تقرب ليك نتا حبي و انا ما نسمح فيك
الفال : عسي مليح و ان شاء الله تبقاي ليه
_________________________
بسم الله بديت وعلى النبي صليت و بوقالة الوردة البيضاء تقول :
خيرت الوردة البيضاء كيما قلبك لبيض لي حبني و مازالو يحبني و ربي ان شاء الله يخلي ياماتنا بيوضة . و نلبس الروبا البيضاء
الفال: ربي يخليك حمام بيضاء منورة عليه و يفرح بيك
_____________________________
بسم الله بديت وعلى النبي صليت و بوقالة الوردة الوردية ROSE تقول :
خيرت الوردة الوردية وندعي ربي ياماتنا تولي ورد على ورد و ربي يصلح الاحوال بيناتنا و يرجعنا كيما كونا
الفال :ان شاء الله ربي يمدلك على حساب قلبك و يخليك وردة الورود
____________________
بسم الله بديت وعلى النبي صليت و بوقالة الوردة الزرقاء تقول :
خيرت الوردة الزرق على القلب لي عندك كبير كيما البحر و العقل لي عندك كبير كيما السماء يكفيني انا و ولادي يا بابات ولادي
الفال. ديجا لحقتي لدراري احكمي بلاسة نتي امباعد ساهل
______________________
بسم الله بديت وعلى النبي صليت و بوقالة الوردة السوداء تقول :
خيرت الوردة الكحلة على حساب قلبك كحل و قاسي انا حبيتك من قلبي بصح نتا غدرتني و خليتني
الفال : لي بدلك بالفول بدليه بقشورو و لقشور و بزاف عليه
__________________________________
دمع الفرح انقولك مبروك اعليك...
غدوة عرسك و الحمد لله كتبني ربي ليك....
يالحبيبة ساقني مكتوبي ليك...
أنتيا لغز المحبة تايه فيك...
أنتيا معنى للمحبة نعشق فيك...
نتمنا كل السعادة تحت أيديك
في يدينا زوج حمامات بيوضة ....لعديان غارو منا و قالونا ماتتولموش نتوما .........خرجت عجوزتي وقالتلي .......يا لالة يا مولات القلب القاسي حني على وليدي شويا ...........و ماتسمعيش لكلام الناس لي ما عندو حتى قيمة في راسي .......المهم انا وليدي عجبتيه و انا دخلتي لداري ............مرحبا بيك عند يماك الثانية و إنشاء الله نوعدك بلي الراجل لي عندي يعيشك معيشة هانية
بنيت ألف قبه و قلت يزورها ....تلقت ألف حمامه و قلت يشوفها ...ما راح للقبه ما شاف حمامه...وليت خايبا لدار فى ندامه....فتحت لباب و لفرحه طلت بغمامه...صبتو معا بابا يهدر بفهامه .....لتم عرفت لمكتوب يجى بلا مقامه...و الله هو لى يبعت لحب علامه..
______________________
محبوبي بعيد............. بصح عينو ما تغيب عليا .دايرلي عساس على الباب باش مايطمعوش فيا...وانا بعثتلو قلبي يحرسو و يخليه. ليا
_____________________________
كـي تلقـا المليح مع المليح يتوادو البنينة وكـي تلاقا المليح مع الدوني يشبعو الغبينة وكي تلاقا الدوني مع الدوني يغرقوا السفينـة
____________________________
أنا شابة ومهري غالي واللي يبغني يديني يحسب النجوم ويسهر الليالي ويبنيلي قصور العلالي وايلا بغا الغالي نجبلوا بنات والدراري
________________________
دزيت باب الحبيب دفة على دفة فراشو من حرير نرقد وندفا، بوقالو من ذهب نشرب لا نروى،وكلامو من عسل غير نسمع نشفى
_______________________
بسم الله بديت وعلى النبي صليت وليكم هاذي البوقالة نويت
لا تشقى يالي في الغربة ولا تحزن يالي في السرير مريض, بعيني ريت اليابسة ولات خضراء والناشفة ولات غدير ,.......قادر الله يبدل الساعات بلخير
___________________
طيحة ونود معك يا حبيبي الغالي أنت شمس نهاري وقمر ليلي الله يدومك فوق راسي ويخليك ديمة فالعلالي
يا وليد بلادي، يا مول الشان والنية في زمان المــــــال
ابقى على نيتك تربح في الآخرة وتعيش وسط الجمال
وابقى على الوضوح في الدنيا تعيش سيد الرجـــــــال
ربي العزيــــــــــــــــــــز يحفظك من العيـــــــــــــــــــــــن
ويلاقيك بالياقـــــــــــــــــــــــــــوت مولات الحاجب والعين
ويَهنى البــــــــــــــــــــــال ويموتــــــــــــــــــــوا الحسادين
وعلى النبي الكريـــم صلي وزيد
إذا حبيت تكون سعيد
وعلى ربي توكل في كل وقــــــــــــــــــــــــت وحيـــــــــن
الي قرا لكلام يقــــــــــــول أميــــــــــــن
الله يعطينا ما بغينا...ويحفظ لينا واليدينا...و يخلي لينا الناس لي عزاز علينا
[ندعوك للتسجيل في المنتدى أو التعريف بنفسك لمعاينة هذه الصورة]